सुर्खेत। सुर्खेतका विभिन्न स्थानका जंगलमा लुकाइछिपाइ राखिएका १८ नाल भरुवा बन्दुक प्रहरीले बरामद गरेको छ। प्रहरी टोलीले जिल्लाका दुई स्थानीय तहअन्तर्गतका तीन छुट्टाछुट्टै स्थानबाट ती बन्दुक फेला पारेको हो।
प्रहरीका अनुसार इलाका प्रहरी कार्यालय बाबियाचौरका प्रहरी निरीक्षक भुपेन्द्र शाहीको कमान्डमा मातहतको इलाका प्रहरी कार्यालय गुटुसमेतबाट खटिएको प्रहरी टोलीले चौकुने गाउँपालिका–७ स्थित सान्नेघारीको जंगलमा खोजतलास गर्ने क्रममा पाँच नाल भरुवा बन्दुक बरामद गरेको छ। जंगलमा लुकाइछिपाइ राखिएको अवस्थामा ती बन्दुक फेला परेका हुन्।
त्यसैगरी, अस्थायी प्रहरी चौकी लगामसमेतबाट खटिएको प्रहरी टोलीले चौकुने गाउँपालिका–१ स्थित धामिसेनको जंगलबाट १२ नाल भरुवा बन्दुक बरामद गरेको छ। उक्त स्थानमा पनि बन्दुक लुकाइछिपाइ राखिएको अवस्थामा फेला पारिएको प्रहरीले जनाएको छ।
यसै क्रममा प्रहरी चौकी रानीघाटबाट खटिएको अर्को प्रहरी टोलीले बराहताल गाउँपालिका–१ स्थित ज्यामिरेको जंगलबाट एक नाल भरुवा बन्दुक बरामद गरेको छ।
प्रहरीले तीनवटै स्थानबाट बरामद गरेका बन्दुकलाई जोड्दा कुल १८ नाल पुगेका छन्। बरामद भएका बन्दुकमध्ये सबैभन्दा बढी चौकुने गाउँपालिका–१ धामिसेनस्थित जंगलबाट १२ नाल फेला परेका छन्।
त्यस्तै, चौकुने गाउँपालिका–७ सान्नेघारीबाट पाँच नाल र बराहताल गाउँपालिका–१ ज्यामिरेबाट एक नाल बन्दुक बरामद गरिएको हो।
जंगलमा लुकाइछिपाइ राखिएका बन्दुक बरामद गर्न प्रहरीले विशेष सूचनाका आधारमा टोली परिचालन गरेको थियो। सूचनापछि सम्बन्धित प्रहरी कार्यालयबाट खटिएका टोलीले विभिन्न स्थानमा खोजतलास गरी बन्दुक फेला पारेका हुन्।
यस्तै, प्रहरीले चौकुने गाउँपालिका र बराहताल गाउँपालिकाका तीन छुट्टाछुट्टै स्थानबाट बरामद गरेका सबै १८ नाल भरुवा बन्दुक कानुनी प्रक्रिया पूरा गरी बरामद गरेको जनाएको छ।
हालसम्म प्राप्त विवरणमा बन्दुक कसले जंगलमा लुकाएर राखेको थियो, ती हतियार कहिलेदेखि त्यहाँ राखिएका थिए र कुन प्रयोजनका लागि प्रयोग गर्ने उद्देश्य थियो भन्ने विषय खुलाइएको छैन।
